S’Lääbe segglet aa mr yrbyy und im Duell
Kämpf‘ y gege’s aa mit em Zauberspruch "vrzell"
Tell what’s on ya lips, the way you sail the right ships
Hesch no zum gäh denn gib’s, und
Lueg uffe n’in Himmel, är lacht
Was gseht-er wenn’r d’Auge zuemacht?
Är isch dr Mond und är lächlet mr zue
Und är git mr e Momänt Rueh, und y
Dängg wie schön wär’s, e Vergniege, zum Mond und zue dä Stärne z’fliege
Puzzlestückli zämme z’fiege, mi für eimol nid z’betriege, für
Eimol no mi Babbe in miny Ärm z’näh, und em e
Letschte digge Schmutz uff siny Bagge z’gäh
Nimm my mit zum Mond und zeig‘ mr dr Wäg wo n’y wird duuregoo
Und loss‘ mi nid loo schtoo, wie’s schomoll hesch do
100'000 Frooge stegge immerno in mir drin, und
Falls my jetze hörsch, denn sag‘ Dr das isch für my schlimm
Wenn y amigs z’oobe uff em Balkon stand, und mit
Fiechte Auge in Himmel starr, gspannt und gebannt
Wart y druff dass Du mir e kleins Zeiche gisch, au
Wenn’s numme s’Blinzle vom Mond isch

REFRAIN
Mir dauchen ab in d’Fluete vom Stärnemeer
Und richte drby em Mond uss "mir vermissen Euch so sehr"
All die glaine Liechtli am Himmelszält
Ziehn ändlosi Fääde und so vrlöhn mr d’Wält
Surfe duren Äther, sin Wällebrächer
Und im Spiegelbild schyynt dr Mond ussem Luttsprächer
Dräum uss Luft, Burgen uss Illusione
Jongliere mit de Dimensione

D’Flamme vo Glügg loderet in mynere Leuebruscht
E neui Ära bricht aa, in mir entdegg‘ y neui Luscht
Nachem Wäg, mynere Beschtimmig, mym Schiggsal
Vrsuech‘ mi nid z’tüsche, Mann, y seh‘ Dr diny Driggs aa
Bi umgäh vo Lüt wo fescht zue mr schtöhn
Mit mir dr einzig Wäg durch digg und dünn göhn
Währenddäm y miny Wält um mi umme vrschön
Tjä, y ghör‘ zue däne wo Kunschtvrbräche begöhn
Y fürcht‘ my nid vorem jüngschte Gricht
Und y glaub‘ au nid dra, dass mi Damm bald bricht
Bin en aifache Mensch uss dr Mittelschicht
Ha nur Pants und Sneakers, bi kei Krawatte- und Kittelwicht
Trotzdäm han ych au mi Platz in dr Zuekunft
Loss‘ mi no am Läbe, denn my Wunschpalette isch no zue bunt
Mueter Natur enthüllt ihry volly Pracht
Sich befreiend vor de Folge vo menschlicher Macheschaft
Vor myne Auge sehn’y my Geburtsschacht
Himmel und Höll spiile um mi Läbe Schach
Bin y dr Klon vo mim Schicksalsphantom?
E Marionette vom Karmäleon?!

REFRAIN