Mi Name isch MC Rony und ich mäld‘ mi mit dr P-Crew
Es isch e Fescht wo’s alli guet hän, sag‘ mr was gsehsch Du?
S’Johr mitem zwei und de drei Nulle, s’kunnt
Im nüünzäh nüün nüün, do findet jede n’e guete Grund
Zum fiire, kei Bock an andere Närve ummezfiile
S’isch ender an dr Zytt mit neue Rap-Schiibene z’deale
Mir ziile n’exakt mit geballtem Hip Hop
So wie dä Song heisst, goht’s los, wenn dr Ringrichter dr Gong schmeisst
Inere Rundi wo dr Sieger Ron dr Gwünner Tron heisst
Wie lang’s au duurt, bis eine vo uns s’erschte mol uff e Mond reist
Irdisch isch dr Klang, wo jedes Ohr sich spitzt, will
Am Mic dä MC, wo sich in d’Hirnrinde ritzt
Sitzt, stoht, ligt, uff jede Fall immer si Reim kickt niemerz Heim schickt
Nur will er statt mit em dritte Aug halt numme mit eim blickt
I mein‘ mit Wittblick, lueg‘ i was goht an mim Rhygnick
One City one Love, i lueg‘ se n’a und dängg isch die chic

REFRAIN
Ron, Tron und die kleine Gyyge, und
Drunter duet dr Beat, sy unwääse triibe
No n’e Scratch und mr fliege mit geballtem
Hip Hop in dy favourite Record Shop, and won’t flop
Won’t stop, `cause we can’t stop, will dr
Inneri Triib haltet uns uff Trab, e
Lääbe für e Hip Hop und e Läbe für s’Läbe, dängg
Dra, e Lääbe isch niemols vrgäbe

Mit ge-
ballter Wortchraft ins näggschte Johrduusig, uff’s
Stichwort "Musig" antwort-y "Bluesig"
Gruusigi Färnsehbilder begleite my
Rutsch Deluxe 2000, bereite my
Vor, y zitier‘ dr Martin Gore
"It’s all of these things and more, that
Keep us together" forever!, mit
Jedem Chläpper an d’Biire wirdsch e bitz meh clever, aber
Never, loss‘ y d‘27er Fääry
Singge lo kei Beats verdringge und y frog‘ "wo wär-y?"
Ohni Hip Hop wär e riisegrossi Lääri, und
Keini Wörter würde verschnitte mit dr Fantasie-Schääri
Hey, y drive Beats, kei Harley
Schiess uss allne Rohr wie domols dr Odermatt Karley
Zämme mit dä kleine Gyyge und zämme mit em Ron, schutte
Mir dr eins in d’Hütte und mr rocke s’ganzi Stadion
Rocke s’Universum bis zum hinterletscht Atom, und
Jage dr Ghirnstrom, dur unseri Mikrofon
Hütte dr Flop, und was isch morn on top
Egal mr zien en duure mit geballtem Hip Hop

REFRAIN