D’Membrane wartet voller Schpannig
Uff e Schtromschtooss dur d’Mechanik
D’Lunge pumpe vo unde d’Luft uff zur Lunte
D’Zunge zündet in Sekunde e
Wortfungge schprängt die Schryybblockade
Vokable hagle uff Di aabe
E Füürwärk ussem Muul vom Lutt-Schprächer
Surfen duuren Äther... sin Wällebrächer!
Wottsch Du Rap, denn mach Lärm und Schrei!
Bis au die letschty Raihe duurekheit
Y modellier’ voller Gier e Doonskulptur
Flow los in Rheinkultur
E Skeltsamy Partitur überem Tron si Schpur,
Wie seht’s uss, isch do no Party pur?!
Nid uff die harty Tour, mir sin Ohrmassöre
Tron & Skelt!, mir wänn Euch ghöre

REFRAIN
Mir schtoossen aa
Und wänn e guety Zytt ha
Mir sin do um Euch z’betöre
P-2-7 wänn Euch ghöre

Y komponier’, mit phil-Harmonie
S’Gedanggenorcheschter schpiilt my Symphonie
Mym DJ siny Händ sin my Dirigänt
Isch är im Elemänt, isch är my One-Man-Band
Gänd uns e Hey – «HEY!!!»
Sin mir bi Euch isch unseri Wält okay
Was goht ab in däre Schtadt?! Chumm mir
Göhn zämmen ab und zwar nid z’knapp
Manege frei für d’Wortakrobate
Rastafunkays und Rhypirate
«Chauf’ die Platte, susch git’s paar a d’Schnöre!»
Skelt!’n’Tron, mir wänn Euch ghöre

REFRAIN

Die schwarzy Schiibe drait sich flyssig
Rundi um Rundi uff 33
Über d’Noodle in Arm uff s’Pult
Und uss de Boxe chunnt dr P-Tumult
Dr Funk isch gross gschriibe uff dr Fahne
Fliesst dur Basel und dur unseri Bluetbahne
Skeltron hide in Funkletron’s hut, you
Think we’re gone? No, we’re not!
Hot, heiss brennt in uns dr Wunsch
Dass den yyschtygsch, dass de mitkunsch
Uff e Reis dur d’Zytt und Ruum
Uff e Schprung ins P-Universum
Ohni Zwang, und ganz ganz wichtig
For the fun of it und ohni Vpflichtig
Dodruff dien mir Zwei schwöre
P-27 WÄNN Euch ghöre!

REFRAIN