P-27 - Rhypirate
© 2009 P-27 (SUISA)
Lyrics by: Tron & Skelt!
REFRAIN
Ahoi, mir sin d’Sample-Vrbrächer
Läbe und schtärbe in Dyne Luttschprächer
Ghöre Dir, jetzt sin sy Di D’Rhypirate mit dr Piraterie
Ahoi, mir sin d’Sample-Vrbrächer
Läbe und schtärbe in Dyne Luttschprächer
Ghöre Dir, jetzt sin sy Di D’Rhypirate mit dr Piraterie
Maa über Bord, är isch am Überborde
Dr Commander Tron killt ohni z’morde
Horde wärde zerscht emol gfolteret und vrurteilt
Gfesslet, gchützelet und vierteilt, jä die
Böse Barbare vrwahre die Narre im Kaare, und
Löhn sie im eigene Saft gaare
Löhn ain fahre, löhn ain dätsche
E fette Kanoneböller lo brätsche
Ho, ho, dr Rhy durab
D’Rhypirate kämpfe für e Hip Hop
Wildy Manne mit Tanne uff de Pfanne
Schpanne Säägel und gänn uss volle Kanne
Wo goht’s duure, wär schtüürt dä Song?
Nid dr fliegendy Holländer, nei dr Commander Tron
Är, dr Captain Skelt!, d’Queen Mary P.
D’Rhypirate mit dr Piraterie
REFRAIN
Leine los, alli Maa an Deck!
Hey Matroos, nimm Diny Händ uss de Sägg!
Mr hisse die Sägel, im dröhnende Näbel
Zeige d’Flagge mitem krüüzte Schädel
Schtächen in Silbesee mit donnernde Kanone
Schütze d’Schatztruhe mit dinne klingende Dublone
Captain Skelt! duldet kei Meuterei
Kaperet di Schiff, wenn d’Meute nach unserer Beute schreit
Hörsch d’Sirene, hörsch sie singe?
Monschterkraake wo Pirate vrschlinge!
Basilisgge, Rhygaischter, Bâlacudas
Verschollen im Dreiländeregg, nummen in Bermudas
Tron, gib’ Dym Captain e Hook
Land in Sicht, dräi’ das Schtüürrad zrugg!
In Basel redet Père und d’Mère
Vo de Klabautermänner uffem Wäg zum...Meer
REFRAIN